CALMA & CHICHA｜橄欖油小沙甸魚 16/20

西班牙人對罐頭海鮮嘅態度，同我哋想像中好唔同。好嘅 Conservas 唔係「方便食品」，而係可以直接上餐桌嘅美食。

Calma & Chicha 就係用一個更年輕、有趣嘅方式去講呢種西班牙飲食文化。包裝玩味十足，主角 Calma 永遠一副悠然自得嘅樣，但罐頭本身就認真得多。

由西班牙 Santoña 嘅 Conservas El Capricho 製作，一罐約 16–20 條細身 Sardina pilchardus，以橄欖油簡單浸製。冇複雜調味，食到嘅就係細沙甸魚本身嘅鮮甜、緊緻肉質同油脂香。

呢款亦係我哋幾鍾意嘅入門選擇：味道乾淨、魚味自然，橄欖油令口感更圓潤。

食家食法：開罐直接食已經好正，或者配烘脆 sourdough、番茄同少少海鹽。罐內嘅橄欖油記得留低蘸麵包——往往最後嗰幾啖先係精華。 🐟🫒